ഒരു ലക്ഷം വർഷങ്ങൾക്കു മുമ്പ്, കുറഞ്ഞത് ആറ് മനുഷ്യ സ്പീഷിസുകൾ ഭൂമിയിൽ അധിവസിച്ചിരുന്നു. ഇന്നാകട്ടെ ഒരെണ്ണം മാത്രം. നാം - ഹോമോ സാപിയൻസ് . ആധിപത്യത്തിനു വേണ്ടിയുള്ള പോരാട്ടത്തിൽ നമ്മുടെ സ്പീഷിസ് വിജയിച്ചതെങ്ങനെ? ഭക്ഷണം തേടിയലയലുകാരായ നമ്മുടെ പൂർവികർ നഗരങ്ങളും രാജ്യങ്ങളും സൃഷ്ടിക്കാൻ ഒന്നുചേർന്നത് എന്തുകൊണ്ടാണ് ? ദൈവങ്ങളിലും രാഷ്ട്രങ്ങളിലും മനുഷ്യാവകാശങ്ങളിലും നാം വിശ്വസിക്കാൻ ഇടയായതെങ്ങനെയാണ് ? വരാനിരിക്കുന്ന സഹസ്രാബ്ദങ്ങളിൽ നമ്മുടെ ലോകം എന്തായിരിക്കും?
ധീരവും വിശാലവും ചിന്തോദ്ദീപകവുമായ 'സാപിയൻസ് ' മനുഷ്യരായിരിക്കുന്നതിനെകുറിച്ചു നമുക്കറിയാം എന്നു നാം കരുതിയിരുന്ന എല്ലാത്തിനെയും - നമ്മുടെ ചിന്തകൾ, നമ്മുടെ പ്രവൃത്തികൾ, നമ്മുടെ ശക്തി... നമ്മുടെ ഭാവി - വെല്ലുവിളിക്കുന്നു.
" സാപിയൻസ് ഒരു സ്ഫോടനം പോലെ അന്തർദേശീയ ബെസ്റ് സെല്ലർ നിരയിലേക്കു ഉയർന്നതിനു ഒരു ലളിതമായ കാരണമിതാണ് – അതു ചരിത്രത്തിലെയും ആധുനിക ലോകത്തിലെയും ഗൗരവമേറിയ ചോദ്യങ്ങളെ കൈകാര്യം ചെയ്യുന്നു. അവിസ്മരണീയമായ ഭാഷയിൽ അത് എഴുതപ്പെട്ടിരിക്കുന്നു" ജാരെഡ് ഡയമണ്ട്.

"നമ്മുടെ സ്പീഷിസിന്റെ ചരിത്രത്തിലും ഭാവിയിലും താല്പര്യമുള്ള ഏവർക്കും ഞാനിതു ശുപാർശ ചെയ്യും " - ബിൽ ഗേറ്റ്സ്

ജീവിച്ചിരിക്കുന്ന മനുഷ്യരെല്ലാം വായിച്ചിരിക്കേണ്ടതെന്ന് ഒബാമ പറഞ്ഞ പുസ്തകം......
വെര്‍ജിന്‍ ബുക്ക് പുരസ്‌കാരവും സണ്‍ഡേ ടൈംസിന്റെ മികച്ച പത്തുപുസ്തകങ്ങളില്‍ ഇടവും നേടിയ ഈ പുസ്തകം തീര്‍ച്ചയായും ചര്‍ച്ച ചെയ്യപ്പെടേണ്ട ഒന്നാണ്.......
ഒരുപക്ഷേ ഈ വര്‍ഷം ഏറ്റവും ചര്‍ച്ചചെയ്യപ്പെട്ട പുസ്തകം ഇസ്രായേലി ചരിത്രകാരന്‍ യുവാല്‍ നോഹ ഹറാറിയുടെ 'സേപിയന്‍സ് : എ ബ്രീഫ് ഹിസ്റ്ററി ഓഫ് ഹ്യൂമന്‍കൈന്‍ഡ്'. ഇനി മനുഷ്യന്‍ എങ്ങോട്ട് എന്ന ചോദ്യത്തിനും യുവാല്‍ നോഹ ഹറാറിക്ക് ഉത്തരമുണ്ട്. അതാണ് അദ്ദേഹത്തിന്റെ അടുത്ത പുസ്തകം 'ഹോമോ ഡേയ്സ്: എ ബ്രീഫ് ഹിസ്റ്ററി ഓഫ് ടുമോറോ'. പക്ഷെ ചരിത്രം അറിയാതെ ഭാവി അറിയാന്‍ ശ്രമിക്കുന്നത് അപക്വമാകാം എന്നുള്ളതുകൊണ്ടും വന്ന വഴി അറിഞ്ഞിരിക്കണം എന്നുള്ളതുകൊണ്ടും 'സേപിയന്‍സ്' ഒരു മികച്ച വായനാനുഭവം തന്നെയായിരിക്കും.......