ശാസ്ത്രത്തെ നമ്മുടെ നിത്യജീവിതത്തിന്റെ ഭാഗമാക്കി മാറ്റുവാന്‍ സഹായിക്കുന്ന പുസ്തകപരമ്പരയാണ് അടിസ്ഥാനശാസ്ത്രം. വിദ്യാര്‍ത്ഥികള്‍ക്കും അദ്ധ്യാപകര്‍ക്കും രക്ഷിതാക്കള്‍ക്കും പ്രയോജനപ്രദമായ പുസ്തകങ്ങളടങ്ങിയ ഈ പരമ്പരയില്‍ അടിസ്ഥാന ശാസ്ത്രവിഷയങ്ങളായ, ഗണിതശാസ്ത്രം, ഭൗതികശാസ്ത്രം, രസതന്ത്രം, സസ്യശാസ്ത്രം, ജന്തുശാസ്ത്രം, പരിസ്ഥിതിപഠനം, ഭൂമിശാസ്ത്രം എന്നിങ്ങനെ വിവിധ മേഖലകളിലെ നിരവധി വിഷയങ്ങള്‍ അവതരിപ്പിക്കുന്നു. ജീവന്‍ എവിടെയാണ് എന്ന ചോദ്യത്തിന് കോശമെന്ന് ഒരുത്തരമേയുള്ളൂ. ജീവന്റെ അടിസ്ഥാനഘടകം കോശമാണ്. അവിടെയാണ് ജീവന്റെ മുഖ്യ അടയാളമായ ഉപാപചയ പ്രവര്‍ത്തനങ്ങള്‍ നടക്കുന്നത്. ഓരോ കോശവും ഒരു ജീവിക്കു സമാനമാണ്. കോശം ഊര്‍ജ്ജം സ്വീകരിക്കുകയും ഉത്പാദിപ്പിക്കുകയും വിനിയോഗിക്കുകയും വളരുകയും വിഭജിക്കുകയും ചെയ്യുന്നു. ഇത്തരത്തിലുള്ള കോശങ്ങളുടെ സമുച്ചയമാണ് ഓരോ ബഹുകോശജീവിയും എന്ന് പറയാം. അതിനാല്‍ കോശത്തെ ജീവന്റെ ആലയമെന്ന് നമുക്ക് വിളിക്കാം. ആലയത്തിന്റെ നിര്‍മ്മാണ ഘടകങ്ങള്‍, ഘടന, ന്യൂക്ലിയസ്, ജീവമണ്ഡലത്തിന്റെ പ്രത്യേകതകള്‍, സൂക്ഷ്മജീവികളുടെ കോശവിശേഷങ്ങള്‍, വൈവിധ്യം, ശരീരവളര്‍ച്ചയും കോശവും തുടങ്ങി കോശവുമായി ബന്ധപ്പെട്ട സുപ്രധാന അറിവുകള്‍ ഈ പുസ്തകത്തിലൂടെ പങ്കുവയ്ക്കുന്നു.