’ഇന്നും ഞാനൊരു ചേന്ദമംഗലത്തുകാരന്തന്നെ . നെറ്റിപ്പട്ടം കെട്ടിയ ആനകളുടെ മുമ്പില്‍ , പഞ്ചാരിയുടെയും പാണ്ടിയുടെയും പഞ്ചവാദ്യത്തിന്റെയുമൊക്കെ മുമ്പില്‍ താളംപിടിച്ചുകൊണ്ട് മണിക്കൂറുകളോളം നില്‍ക്ക‌ന്‍ കഴിയുന്ന ഒരു ശരാശരി കൊച്ചിക്കാര‌ന്‍ . നാലുവശത്തും ചെറുപുഴകളാണ് ഞങ്ങള്‍ക്ക് , പുഴ നിറയെ വെള്ളവും . നാലു വയസ്സോളം പൂനെയിലായിരുന്നു . അതു കഴിഞ്ഞു പഠിത്തത്തിനായി അമ്മയോടൊപ്പം നാട്ടിലേക്കു മടങ്ങുമ്പോള്‍ ഒരു മഹാദ്ഭുതം പോലെ പുഴ . നടുവിലൊരു വലിയ പാലം . ഒരു വശത്തു ഞങ്ങളുടെ കൊച്ചി , മറുവശത്തു തിരുവിതാംകൂറും . പാലത്തിന്റെ ഒരു വശത്തു തിരുവിതാംകൂറിലെ ചുങ്കക്കാര്‍ കാവല്‍ നിന്നിരുന്നത് ഓര്‍മ്മയുണ്ട്’ . ജീവിതയാത്രയിലെ ആത്മകഥാംശം നിറഞ്ഞ ഓര്‍മ്മകളും അനുഭവങ്ങളുമായി പ്രശസ്ത എഴുത്തുകാര‌ന്‍ സേതു .